- 29 Mart 17:04
“Bizim komitə ailə münaqişələrinin həllində Mediasiya Şurası ilə birlikdə işləyə bilər".
E-huquq.az xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib. Komitə sədri bildirib ki, Mediasiya Şurası yeni fəaliyyətə başlayıb:
"Elə fəaliyyətə başladığı ilk günlərdən biz onlara dəstək göstərməyə çalışmışıq. Yerlərdə bizim mərkəzlərimiz var və o mərkəzlərdə işləyən əməkdaşların mediasiya işinə cəlb olunması üçün müraciətləri müsbət cavablandırmışıq. Bu dəstək davam edir. Biz imkanlarımızı birləşdirməliyik. Çünki bu, ailənin sağlamlığı, qorunması və boşanmaların qarşısının alınması məsələsidir. Bizim bu nöqtədə fəaliyyətimiz birləşir. Ona görə də davamlı müzakirələr aparırıq".
Mənbə: APA