Bakı 8 saylı Mediasiya Təşkilatının mediatoru təşəkkür plaketi ilə təltif olundu

Bakı 8 saylı Mediasiya Təşkilatının mediatoru Aqil İltifat oğlu Əsgərov uğurlu fəaliyyətinə görə təşəkkür plaketi ilə təltif olunub.

Bu barədə e-huquq.az-a Təşkilatın direktoru Mayıl Əhməd məlumat verib.

Onun sözlərinə görə, 25 avqust 2025-ci il tarixində "Bakı KOB evi"ndə keçirilən tədbirdə Mediasiya Şurasının İdarə Heyəti tərəfindən Aqil Əsgərova mediasiya sahəsindəki uğurlu fəaliyyətinə görə təşəkkürnamə təqdim olunub.

M.Əhməd bildirib ki, təqdim olunan plaket Bakı 8 saylı Mediasiya Təşkilatının ümumi fəaliyyətinə verilən dəyərin bir göstəricisidir.