“Bank mübahisələri və mediasiya” mövzusunda görüş keçiriləcək

22 Noyabr 2021 12:49

Azərbaycan Respublikasının Vəkillər Kollegiyası, Mediasiya Şurası və Azərbaycan Banklar Assosisiasiyasının təşkilatçılığı ilə “Bank mübahisələri və mediasiya” mövzusunda görüş keçiriləcək

E-huquq.az-ın məlumatına görə, 23 noyabr 2021-ci il, saat 15:00-da başlayacaq görüşün gündəliyi açıqlanıb.

Görüş aparıcı bankların hüquq Departament rəhbərləri, Mediasiya Şurasının İşçi qruplardan ibarət Koordinasiya Şurasının tərkibi, vəkillər və mediatorlardan ibarət auditoriyanı əhatə edəcək.

Görüş zamanı Bank mübahisələrinin həllində mediasiyanın verəcəyi fayda;

Bank mübahisələrinin həllində mediasiyanın cari vəziyyəti;

Məhkəmə və ya mediasiya: perspektiv və gələcəyə baxış;

Bankda çalışan hüqüqşünas vəkillərin mediasiya prosesində rolu;

Müasir yeni çağırışların fonunda vəkil-mediatorların prosesə yanaşma vəziyyəti və s. məsələlər əksini tapacaq.

Saat	Məruzəçilər
15:00-15:05	Moderator: Elçin Həsənov Bank Ombudsmanının Məsul katibi, Mediator
15:05-15:35	Açılış nitqi: Zakir Nuriyev - Azərbaycan Banklar Assosiasiyasının Prezidenti Anar Bağırov - Vəkillər Kollegiyasının sədri Nadir Adilov - Mediasiya Şurası İdarə heyətinin sədri
15:35-15:45	Mövzu: Banklar tərəfindən mediasiyaya edilən müraciətlər zamanı mövcud problemlər və onların həlli yolları Məruzəçi: Taleh İbrahimov Vəkil, mediator, Mediasiya Şurasında işçi qrup rəhbəri
15:45-15:55	Mövzu: Bank mübahisələrin məhkəmədən kənar həlli yolları və cari vəziyyət Məruzəçi: Elçin Həsənov Azərbaycan Banklar Assosisiasiyasının Bank Ombudsmanının Məsul katibi, mediator
15:55-16:30	Sual-cavab, müzakirələr