Banqladeşdə "danq qızdırması" səbəbindən 463 nəfər xəstəxanaya yerləşdirilib

Banqladeşdə "danq qızdırması" diaqnozu qoyulan 463 nəfər xəstəxanaya yerləşdirilib.

E-huquq.az "The Daily Star" qəzetinə istinadən xəbər verir ki, bu barədə Banqladeş Səhiyyə Xidmətləri Baş İdarəsi açıqlama yayıb.

Açıqlamada son 24 saatda 1 nəfərin "danq qızdırmasından" öldüyü bildirilib.

Beləliklə virusdan ölənlərin sayı 96-ya çatıb.

Ölkədə bu il ümumilikdə 15 min 670 nəfər "danq qızdırmasına" yoluxub.

Şəbnəm Mehdizadə