Bakıda qohumunu qətlə yetirməkdə təqsirləndirilən şəxsin məhkəməsi başlayır

Bakıda qohumunu qətlə yetirməkdə təqsirləndirilən Həsən Həsrətovun cinayət işi üzrə ibtidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.

İş hakim Rasim Sadıxovun icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, 1980-ci il təvəllüdlü Həsən Həsrətov paytaxtın Nizami rayonunda aralarında yaranmış mübahisə zamanı qohumu Rasim Zamanovu öldürməkdə təqsirləndirilir. Ona qarşı Cinayət Məcəlləsinin 120.2.4-cü maddəsi ilə ittiham irəli sürülüb.

Şəbnəm Mehdizadə