Ukrayna Baş Qərargahı cəbhədəki son vəziyyəti açıqladı

"Əvvəlki aylarla müqayisədə cəbhədə nisbi sakitlik hökm sürür. Gün ərzində düşmən cəmi 19 dəfə hücuma keçsə də, hücumların coğrafiyası bir qədər qeyri-adidir".

E-huquq.az UNİAN-a istinadən xəbər verir ki, bu barədə Ukrayna Silahlı Qüvvələrinin Baş Qərargahının səhər xülasəsində deyilir.

"Belə ki, uzun müddət ərzində ilk dəfə ruslar Şaxtyorsk istiqamətində - Uqledarın qərbində yerləşən Velika Novoselka bölgəsində hücuma keçdilər. Kupyansk istiqamətində də hücumlar davam edir, bu da yalnız son günlər güclənib. Orada düşmən Masyutovka ərazisində irəliləməyə uğursuz cəhd edib. Ənənəvi olaraq, işğalçı qoşunların Orexovo-Vasilyevkanın şimal-şərqinə və İvanovski istiqamətində irəliləməyə cəhd göstərdiyi Baxmut istiqaməti qaynar nöqtə olaraq qalır. Dünən Maryinka bölgəsində düşmənin 12 hücumu dəf edildi. Avdeyevski istiqamətində qeyri-adi sakitlik müşahidə olunub. Dünən bir ildən artıq davam edən fasiləsiz döyüşlərdən sonra düşmən cəbhənin bu sektoruna, ümumiyyətlə, hücum etməyib. Oxşar sakitlik Liman istiqamətində də müşahidə olunub", - məlumatda bildirilir.

Şəbnəm Mehdizadə