İstanbulda meşə yanğını olub

Türkiyənin İstanbul şəhərinin Çatalca rayonunda meşə yanğını olub.

E-huquq.az Türkiyə KİV-ə istinadən xəbər verir ki, yanğının söndürülməsi üçün 8 yanğınsöndürən maşın, 2 su tankeri, 2 helikopter, 1 ekskavator və 75 canlı qüvvə ilə cəlb olunub.

Qısa müddətdə yanğın söndürülüb, hazırda ərazidə soyutma işləri aparılır.

Yanğın zamanı 1 hektar meşə sahəsinin zərər gördüyü bildirilib.

Şəbnəm Mehdizadə