Türkiyədə sərnişin avtobusu aşıb: 26 nəfər yaralanıb

Türkiyənin Malatya şəhərində sərnişin avtobusunun aşması nəticəsində 26 nəfər xəsarət alıb.

E-huquq.az xəbər verir ki, Bodrumdan Vana gedən sərnişin avtobusu Malatyanın Akçadağ rayonunda dərəyə aşıb.

Hadisə yerinə təcili yardım, polis, jandarma və xilasetmə qrupları cəlb edilib.

Qəzada avtobusda olan 36 nəfərdən 26-sı yaralanıb.

Yaralılar təcili yardımla Malatya Təhsil və Araşdırma Xəstəxanasına və Turqut Özal Tibb Mərkəzinə aparılıb.

Şəbnəm Mehdizadə