Ukrayna MN: "Ruslar Baxmut istiqamətində itirilmiş mövqelərini geri qaytarmağa çalışır"


  • 3 İyun 2023 18:57

"Baxmut istiqamətində rus işğalçıları itirilmiş mövqelərini geri qaytarmağa çalışsalar da, buna nail ola bilmirlər".

E-huquq.az UNİAN-a istinadən xəbər verir ki, bunu Ukrayna müdafiə nazirinin müavini Anna Malyar deyib.

Onun sözlərinə görə, ruslar Donetsk və Luqansk vilayətlərinin sərhədlərinə çatmaq üçün əsas səylərini şərqdə cəmləməyə davam edir: "Lakin müdafiə qüvvələrimizin güclü müqaviməti səbəbindən irəliləyə bilmirlər".

"Vəziyyət bir qədər dəyişir. Artıq bir neçə aydır ki, düşmən Şərqdə dörd istiqamətdə - Avdeyevski, Maryinka, Limansk və Baxmut ilə irəliləyir. Sonradan vaxtaşırı daha iki istiqamətdə intensivləşib. Şaxtyorsk və Kupyanski. Bu müddət ərzində düşmən Donetsk Luqansk vilayətlərinin sərhədlərinə çatacaq və uğursuzluğa düçar olacaq”, - deyə Malyar bildirib.

Malyar əlavə edib ki, üç istiqamətdə - Baxmut, Avdeyevski, Şaxtyorskdə ruslar gün ərzində hücum əməliyyatları keçirməyib: "Baxmut şəhərində vəziyyət şərti olaraq sabitdir. Biz cənuba-şəhərin qərb kənarına nəzarət edirik. "Vaqner" hələ şəhəri tam tərk etməyib. Onlar nizami ordunun dəstələrinə təlim keçir".

Şəbnəm Mehdizadə

Oxşar xəbərlər