"Azinterturizm"ə  cərimə yazıldı

"Azinterturizm" MMC-yə cərimə protokolu yazılıb.

E-huquq.az xəbər verir ki, MMC barəsində İnzibati Xətalar Məcəlləsinin 528.1-ci (İcra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsi) maddəsi il inzibati protokol tərtib olunub və baxılması üçün Nərimanov Rayon Məhkəməsinə göndərilib.

İş hakim Gültəkin Əsədovanın sədrliyi ilə araşdırılacaq.

Protokol təsdiq olunarsa, "Azinterturizm" üç min manatdan beş min manatadək məbləğdə cərimə edilə bilər.

Məhkəmənin baxış iclası iyulun 23-də keçiriləcək.

Şəbnəm Mehdizadə