Çanaqqalada 51 qanunsuz miqrant saxlanılıb

Türkiyənin Çanaqqala vilayətində miqrant qaçaqmalçılığına qarşı keçirilən əməliyyatlar zamanı 51 qeyri-qanuni miqrant və iki şübhəli saxlanılıb.

E-huquq.az "TRT Haber"ə istinadən xəbər verir ki, bu barədə Çanaqqala Valiliyi məlumat yayıb.

Məlumata görə, Jandarma Komandanlığı sentyabrın 18-dən 24-dək bu istiqamətdə 6 əməliyyat keçirib.

Əməliyyatlar zamanı miqrant qaçaqmalçılığını təşkil etməkdə şübhəli bilinən 2 nəfər saxlanılıb.

Həmçinin 51 qeyri-qanuni miqrant müəyyən edilərək nəzarətə götürülüb.

Qanunsuz keçidlər zamanı istifadə edildiyi müəyyənləşdirilən 1 ədəd rezin qayıq və 1 qayıq mühərriki müsadirə olunaraq müvafiq saxlama məntəqəsinə yerləşdirilib.

Miqrantlar aidiyyəti üzrə təhvil verilib.

Saxlanılan şübhəlilərlə bağlı araşdırma davam etdirilir.

Şəbnəm Mehdizadə