Hüquqi Ekspertiza və Qanunvericilik Təşəbbüsləri Mərkəzi işçi axtarır

Hüquqi Ekspertiza və Qanunvericilik Təşəbbüsləri Mərkəzi “şöbə müdiri”, “baş mütəxəssis” və “aparıcı mütəxəssis” vəzifələri üzrə işə qəbul üçün müsabiqə elan edir:

E-huquq.az xəbər verir ki, namizədlərə dair tələblər aşağıdakılardır:

- Hüquqşünaslıq (beynəlxalq hüquq) ixtisası üzrə bakalavr dərəcəsi;

- Hüquq sahəsində azı 3 il iş təcrübəsi;

- Ən azı bir xarici dil biliyi.

Əlavə üstünlüklər:

- Normayaratma fəaliyyəti sahəsində iş təcrübəsi;

- Magistr və ona bərabər ali hüquq təhsili.

Müsabiqənin şərtləri:

Müraciət edənlər arasından elan olunmuş vəzifələrə daha uyğun gələn namizədlər müsabiqəyə dəvət olunacaqlar. Müsabiqə iki mərhələdən – yazılı imtahan və müsahibədən ibarət olacaq. Yazılı imtahan sualları test və kazus formasında tərtib ediləcək.

Test sualları Azərbaycan Respublikasının aşağıdakı normativ hüquqi aktlarını əhatə edəcək:

- Konstitusiya;

- “Normativ hüquqi aktlar haqqında” Konstitusiya Qanunu;

- Mülki Məcəllə;

- Mülki Prosessual Məcəllə;

- Cinayət Məcəlləsi;

- Cinayət Prosessual Məcəllə;

- Əmək Məcəlləsi;

- İnzibati Xətalar Məcəlləsi;

- İnzibati Prosessual Məcəllə;

- “İnzibati icraat haqqında” Qanun;

- “Vətəndaşların müraciətləri haqqında” Qanun.

Kazus sualları Azərbaycan Respublikasının cinayət və mülki qanunvericiliyi üzrə tərtib ediləcək.

Müraciət qaydası:

Maraqlanan namizədlər öz CV-lərini [email protected] elektron poçt ünvanına göndərə bilərlər. Xahiş edirik CV-lərinizi göndərərkən iddia etdiyiniz vəzifənin adını emailin “Mövzu” hissəsində qeyd edəsiniz.

Müraciət üçün son tarix: 20 oktyabr 2026