Sel suları bir neçə rayonda yol infrastrukturuna ziyan vurub

Yağan güclü yağış nəticəsində yaranan sel suları Lerik, Astara, Zaqatala və Balakən rayonlarında yol infrastrukturuna və yol qurğularına ziyan vurub.

Azərbaycan Avtomobil Yolları Dövlət Agentliyindən (AAYDA) e-huquq.az-a verilən məlumata görə, yaranmış problemlərlə bağlı məlumat daxil olan kimi dərhal ərazilərə AAYDA-ın xüsusi texnikaları və canlı qüvvəsi səfərbər olunub.

Hal-hazırda yollarda hərəkətin fasiləsizliyi və təhlükəsizliyi təmin olunur, yolların və yol qurğularının bərpası istiqamətində aparılan işlər davam etdirilir.