Vəkillər Kollegiyasının üzvləri üçün ixtisasartırma kursu keçiriləcək

Avropa Şurasının Bakı Ofisi ilə Ədliyyə Akademiyasının birgə əməkdaşlığı çərçivəsində Vəkillər Kollegiyasının üzvləri üçün “Gender Bərabərliyi və Media Azadlığı” mövzusunda ixtisasartırma kursu təşkil edilir.

E-huquq.az xəbər verir ki, təlim cari ilin 28 və 29 oktyabr tarixlərində onlayn qaydada keçiriləcək.

Yerlər məhdud sayda olduğu üçün təlimdə iştirak etmək istəyən vəkillər 26 oktyabr 2021-ci il tarixindən gec olmayaraq Vəkillər Kollegiyasının Hüquqi Yardım və Tədris Mərkəzinin elektron poçt ünvanına ([email protected] ) müraciət edərək qeydiyyatdan keçə bilərlər.

Qeydiyyatdan keçərkən uyğun olan tarixləri göstərməyiniz xahiş olunur.

Əlaqələndirici şəxs – Vəkil Günay Sultanova (tel. 012-594-99-85, 050-377-70-80)