Fəhlələri aparan avtobus qəzaya düşdü: 9 nəfər yaralandı

Türkiyənin Kocaeli şəhərində avtobusun aşması nəticəsində 9 nəfər xəsarət alıb.

E-huquq.az "TRT Haber"ə istinadən xəbər verir ki, Dilovası rayonunda fəhlələri daşıyan avtobus idarəetmədən çıxaraq yolun kənarına aşıb. Nəticədə nəqliyyat vasitəsinin sürücüsü və 8 fəhlə yaralanıb.

Xəstəxanaya aparılan yaralılardan birinin vəziyyətinin ağır olduğu bildirilib.

Qəza səbəbiylə magistral yolda nəqliyyatın hərəkəti bir müddət dayanıb.

Şəbnəm Mehdizadə