Beynəlxalq Cüdo Federasiyasının Prezidenti Azərbaycan dövlət başçısını təbrik etdi

Beynəlxalq Cüdo Federasiyasının Prezidenti Marius Vizerdən Azərbaycan Respublikasının Prezidenti İlham Əliyevə təbrik məktubu gəlib.

E-huquq.az xəbər verir ki, məktubda deyilir:

"Hörmətli cənab Prezident.

Doğum gününüz münasibətilə Sizi təbrik edir, Zati-alinizə və ailənizə ən xoş arzularımı çatdırır, böyük nailiyyətlər və xoşbəxtlik diləyirəm.

Sizə və Azərbaycana bütün bəşəriyyət üçün sülh və tərəqqiyə töhfə verəcək yeni-yeni nailiyyətlər və firavanlıq dolu yeni il arzulayıram".