Naxçıvan MTN-in sabiq rəhbəri cəzaçəkmə müəssisəsindən buraxıldı - YENİLƏNDİ


  • 28 Sentyabr 20:35

Naxçıvan Muxtar Respublikasının keçmiş milli təhlükəsizlik naziri Vəli Ələsgərov azadlığa buraxılıb.

E-huquq.az xəbər verir ki, sabiq nazir bu dəqiqələrdə cəzaçəkmə müəssisəsindən azad olunub.

***

17.53

Ali Məhkəmə tərəfindən keçmiş MTN generalı Vəli Ələsgərovun azadlığa buraxılmasına dair qərar icra olunmur.

Bu barədə e-huquq.az-a onun vəkili Vüqar Xasayev məlumat verib.

Onun sözlərinə görə, Naxçıvan qarışıq rejimli cəzaçəkmə müəssisəsində saxlanılan Vəli Ələsgərovun buraxılması üçün göstəriş verilmir: "Buna səbəb kimi həbsxananın rəisi bizə bildirdi ki, müvafiq göstəriş Penitensiar Xidmətdən gəlməlidir. Hazırda Naxçıvandayam, gözləyirik".

Xatırladaq ki, ötən gün Ali Məhkəmə V.Ələsgərovun cəzasının 6 il 6 ay 20 günə endirilməsi və 2016-cı ildən həbsdə olmaqla bu cəzanı çəkmiş olduğundan həbsdən azad edilməsi barədə qərar verib.

Oxşar xəbərlər