SOCAR-ın beş vitse-prezidenti vəzifəsindən azad edildi

Daşqın Ələm oğlu İskəndərov Azərbaycan Respublikası Dövlət Neft Şirkətinin (SOCAR) vitse-prezidenti vəzifəsindən azad edilib.

E-huquq.az xəbər verir ki, bununla bağlı Prezident İlham Əliyev sərəncam imzalayıb.

Dövlət başçısının digər sərəncamları ilə Bədəl Şamil oğlu Bədəlov və Xalik Rəfi oğlu Məmmədov da Dövlət Neft Şirkətinin vitse-prezidenti vəzifəsindən azad edilib.

Sərəncamlar imzalandığı gündən qüvvəyə minir.

***

Yaşar Aydın oğlu Lətifov Azərbaycan Respublikası Dövlət Neft Şirkətinin vitse-prezidenti vəzifəsindən azad edilib.

E-huquq.az xəbər verir ki, bununla bağlı Prezident İlham Əliyev sərəncam imzalayıb.

Dövlət başçısının digər sərəncamı ilə Süleyman Mehrəli oğlu Qasımov da Dövlət Neft Şirkətinin vitse-prezidenti vəzifəsindən azad edilib.

Bu sərəncamlar imzalandığı gündən qüvvəyə minir.