Azyaşlını motosikletlə vurmaqda təqsirləndirilən şəxs hakim qarşısına çıxarılır

İmişlidə azyaşlının xəsarət alması ilə nəticələnən yol qəzası törətməkdə təqsirləndirilən Rabil Şirinovun cinayət işi üzrə ibtidai istintaq başa çatıb.

E-huquq.az-ın məlumatına görə, iş üzrə toplanmış materiallar baxılması üçün İmişli Rayon Məhkəməsinə göndərilib.

İş hakim Telman Quliyevin icraatına verilib. Məhkəmənin hazırlıq iclası oktyabrın 11-də keçiriləcək.

Qeyd edək ki, hadisə rayonun mərkəzi ərazisində qeydə alınıb. Rabil Şirinov idarə etdiyi motosikletlə 2019-cu il təvəllüdlü Ağacanlı Uğur Namiq oğlunu vurub. Sürücüyə qarşı Cinayət Məcəlləsinin 263-1.2-ci maddəsi ilə ittiham irəli sürülüb.

Şəbnəm Mehdizadə