İstanbulda güclü fırtına və leysan gözlənilir

Türkiyənin İstanbul şəhərində əhaliyə güclü külək və leysan yağışları ilə bağlı xəbərdarlıq edilib.

E-huquq.az xəbə verir ki, bu barədə İstanbul Böyükşəhər Bələdiyyəsi məlumat yayıb.

Məlumata görə, bu gün gecə saatlarında güclənəcək yağışların çərşənbə günü saat 09:00-dan etibarən güclü küləklə müşayiət olunacağı gözlənilir. Küləyin sürətinin saatda 50-80 kilometrə çatacağı bildirilir.

Fırtına və leysan yağışlarının cümə axşamı günortaya qədər davam edəcəyi proqnozlaşdırılır.

Sakinlərə əlverişsiz hava şəraitinin yarada biləcəyi fəsadlara qarşı diqqətli olmaq tövsiyə olunur.

Şəbnəm Mehdizadə