- 11:24
Bakıda tanışının qətlində təqsirləndirilən Rəşid Babayevin cinayət işi üzrə ibtidai istintaq başa çatıb.
E-huquq.az-ın məlumatına görə, iş üzrə toplanmış materiallar baxılması üçün Bakı Ağır Cinayətlər Məhkəməsinə göndərilib.
İş hakim Samir Əliyevin icraatına verilib. Məhkəmənin hazırlıq iclası iyulun 23-də keçiriləcək.
Qeyd edək ki, 1966-cı il təvəllüdlü Rəşid Babayev Bakının Maştağa qəsəbəsi ərazisində 1974-cü il təvəllüdlü Roman Əsgərova kəsici-deşici alətlə xəsarətlər yetirib. Roman Əsgərov növbəti gün müalicə aldığı xəstəxanada ölüb. R.Babayevə qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
Şəbnəm Mehdizadə