Bakıda hosteldən oğurluq edən şəxs barəsində cinayət işi başlanıldı

Bakıda hosteldən oğurluq edən şəxs saxlanılıb.

E-huquq.az-ın xəbərinə görə, hadisə "Travel İnn Hostel"də qeydə alınıb.

Belə ki, AVRO-2020 oyunlarını izləmək üçün Bakıya gələn Türkiyə və Fransa vətəndaşı, azarkeş Altındağ Muhammedin qaldığı hosteldə əmlakı oğurlanıb.

Həmin şəxs azarkeşin çarpayısının altındakı əmlakını yığdığı dolabdan 100 manat dəyərində pul kisəsini, "iPhone 6S" və "iPhone XS"markalı mobil telefonları, "Apple Airpods 2+etui" qulaqcıqlarını, 100 manatı, eləcə də 50 avronu oğurlamaqla ümumilikdə zərərçəkmişə 1 505 manat maddi ziyan vurub.

Səbail Rayon Polis İdarəsi əməkdaşları tərəfindən həyata keçirilən əməliyyat-axtarış tədbirləri nəticəsində "Travel İnn Hostel"dən oğurluq edən Beyləqan rayon sakini Elnur Canbazov saxlanılıb.

Onun barəsində Cinayət Məcəlləsinin müvafiq maddəsi ilə cinayət işi başlanılıb.