Hüquqi yardım üzrə mobil tətbiq istifadəyə veriləcək

Vəkillər Kollegiyası hüquqi yardım üzrə mobil tətbiqi istifadəyə verəcək.

E-huquq.az xəbər verir ki, bu barədə Vəkillər kollegiyasının sədri Anar Bağırov bildirib.

A. Bağırov qeyd edib ki, yaxın zamanlarda istifadəyə veriləcək mobil tətbiq İKT texnologiyalarını özündə ehtiva edən bir platformadır: "Biz uzun müddətdir ki, bu platforma üzərində çalışırıq və əminəm ki, yaxın vaxtlarda hər kəs bunun faydasını görəcək. Hər bir şəxs proqramı mobil telefonuna yükləməklə, istənilən sahə üzrə vəkil tapmaq imkanına malik olacaq. Təbii ki, həm yazılı, həm də şifahin qaydada hüquqi məsləhətlər veriləcək".

Sədrin sözlərinə görə, bütün bu imkanlar ona gətirib çıxaracaq ki, vətəndaş və ya sahibkara istənilən vaxt hüquqi yardım göstəriləcək: "Vəkillər də oradan əlavə gəlir əldə edəcəklər. Proqram vasitəsilə vəkillər vətəndaşlara, sahibkarlara daha yaxın olacaqlar".