İsrailin son hücumlarında 19 fələstinli ölüb

İsrail ordusunun səhər saatlarından etibarən Qəzza zolağının müxtəlif bölgələrinə həyata keçirdiyi hücumlarda 19 fələstinli həyatını itirib.

E-huquq.az xarici mətbuata istinadən xəbər verir ki, İsrail ordusunun Cədid Qaçqınlar Düşərgəsindəki evi hədəfə alması nəticəsində 5 fələstinli – ana, ata və 3 uşaq həlak olub. Hücum zamanı əksəriyyəti uşaq olmaqla 20-dən çox insan yaralanıb.

İsrailin Qəzzanın şərqindəki Şücaiyyə və Zeytun məhəllələrində iki evi hədəf aldığı hücumlarda 8 nəfər həlak olub.

İsrailin Qəzza şəhərinin Nafaq küçəsindəki çadıra hücumu nəticəsində altı aylıq körpə həlak olub.

İsrailin Qəzza zolağının cənubunda yardım paylama məntəqəsi yaxınlığında yardım gözləyən insanları hədəf alan hücumunda 5 fələstinli həlak olub.

İsrail ordusunun Qəzza zolağında təhlükəli yola çıxardığı humanitar yük maşınının qida almağa çalışan fələstinlilərin üzərinə aşması nəticəsində 20 nəfər həyatını itirib.

Humay Eminqızı